Paşinyan Levon Ter-Petrosyanı məhv etdi: "KQB agenti, qorxaq, tənbəl" - İrəvanda sözlü qırğın
Ermənistanın Baş naziri Nikol Paşinyan ölkənin ilk prezidenti Levon Ter-Petrosyanla bağlı kəskin və ifşaedici fikirlər səsləndirib.
Musavat.com xəbər verir ki, Paşinyanın fikirləri Ermənistanın müstəqillik dövrü tarixində dərin siyasi manipulyasiyaların və xarici güclərin təsirinin izlərini bir daha gündəmə gətirir.
“KQB-nin əməkdaşı, marionet dövlətin qurucusu”
Paşinyan iddia edir ki, Levon Ter-Petrosyan SSRİ dövründə KQB ilə əməkdaşlıq edən şəxs olub və 1990-cı illərin əvvəllərində Ermənistanın müstəqillik prosesini şüurlu şəkildə yanlış istiqamətə yönəldib. Onun rəhbərliyi altında Ermənistan müstəqil yox, marionet dövlətə çevrilib. Baş nazirin fikrincə, bu, KQB-nin strateji planının bir hissəsi olub.
“Prezident yox, Vano ilə Vazgenin işçisiydi”
Paşinyanın təhlilinə görə, Ter-Petrosyan ölkə idarəçiliyində real gücdən uzaq olub və onun hakimiyyət dövründə cəmiyyətin böyük hissəsi onu müdafiə naziri Vazgen Sarkisyan və daxili işlər naziri Vano Sıradeqyanın “prezidenti” kimi görüb. O, bu iki güclü fiqur arasında “böl və hökm sür” taktikası apararaq onların ittifaqına mane olub.
Məqsəd, Paşinyana görə, Ermənistanın suverenliyi uğrunda mübarizə aparan bu şəxsləri hakimiyyətə gəlmək imkanından məhrum etmək və onların yerinə Robert Koçaryan və Serj Sarkisyan kimi marionet xadimləri önə çıxarmaq idi.
“Qorxaq şəkildə istefa verdi və qeyri-legitim dövrün əsasını qoydu”
Nikol Paşinyan Ter-Petrosyanın prezidentlikdən istefasını da sərt tənqid edib. O bildirir ki, qeyri-sabit və mürəkkəb geosiyasi şəraitdə, Levon şəxsi qorxu və məsuliyyətsizlik səbəbilə vəzifədən getdi. Ən dəhşətlisi isə onun ardınca Ermənistanın qeyri-legitim siyasi rejimə təslim edilməsini təmin etməsi olub. Paşinyan bunu “marionet dövlət strategiyasının davamlılığı” kimi təqdim edir.
2007-də qayıdış: “Əslində Koçaryan və Sarkisyana xidmət edən müxalifət”
Levon Ter-Petrosyanın 2007-ci ildə siyasətə qayıdışı da Paşinyan tərəfindən ikili oyun kimi qiymətləndirilir. O iddia edir ki, bu “müxalifətçilik” sadəcə formal idi və əsl məqsəd Ermənistanın marionet kursdan çıxmamasını təmin etmək idi. Çünki həm iqtidar, həm də “müxalifət” – eyni strateji xəttin daşıyıcıları idi.
“1 Mart gecəsi evində gizləndi, qapını açmadı”
2008-ci il 1 mart mitinqləri zamanı – mitinqçilərə qarşı qanlı repressiyaların tətbiq olunduğu gecə – Paşinyan deyir ki, Ter-Petrosyan evindən çıxmadı, qapısını gələnlərə açmadı, hətta onun evinə gələn o dövrün ruhani lideri II Qareginə (əsl adı: Ktriç Nersisyan) belə qapı göstərilmədi. Paşinyan əlavə edir ki, həmin gecə Ter-Petrosyan rahat şəkildə evində yatıb, çünki “marionet strategiyanın davam edəcəyinə əmin idi”.
Psixoloji portret: “Tənbəl, qorxaq, qeybətcil, özündənrazı”
Baş nazirin tərtib etdiyi bu qeyri-rəsmi portretdə Ter-Petrosyan haqqında bir çox mənfi insani və liderlik xüsusiyyətləri sadalanır:
• Qorxaq və iradəsiz,
• Məsuliyyətsiz,
• Tənbəl və tənqidçi,
• Xarizması olanlardan zəhləsi gedən,
• Ətrafında yalnız dəyərsiz, yarımsavad adamlara üstünlük verən,
• Narsist və təkəbbürlü bir şəxsiyyət kimi təqdim olunur.
Paşinyan əlavə edir ki, Ter-Petrosyan hər kəslə münasibətini ona qarşı silah kimi istifadə edir, insanları sevmir və yalnız fərdi eqoizmini qidalandırmaq üçün siyasətdə qalır.
Paşinyanın bu çıxışı Ermənistanın siyasi tarixində ilk dəfədir ki, ölkənin ilk prezidenti bu qədər sərt və açıq şəkildə ittiham olunur. Bu çıxış, eyni zamanda, Ermənistan cəmiyyətində və siyasi elitada keçmiş liderlərə qarşı yeni mərhələnin – “əsl qiymətləndirmə dövrünün” başlandığını göstərir.
Musavat.com-un şərhi:
Nikol Paşinyanın Levon Ter-Petrosyan haqda bu qədər sərt və ifşaedici fikirlər səsləndirməsi, onu KQB agenti olmaqda, marionet rejim qurmaqda, xalqı satmaqda ittiham etməsi Ermənistanda siyasi qütbləşməni daha da dərinləşdirir. Son günlər baş verən hadisələr – dövlət çevrilişinə cəhd iddiaları, ifşa olunan planlar, həbslər, kilsə ilə hökumət arasında açıq qarşıdurma, bir zamanlar Ermənistanın “simvolu” olmuş şəxsiyyətlərin bir-birinə qarşı nifrət və ittiham yağdırması – ölkədə daxili siyasi xaosun və parçalanmanın yeni mərhələyə keçdiyini göstərir.
Vəziyyət belədir ki, bu qədər qarşılıqlı təhqir və süqutun yaşandığı bir anda biz – Azərbaycan cəmiyyəti və mediası – bütün bunları sadəcə seyr edirik. Üstəlik, bu mənzərəni Silahlı Qüvvələr Günümüzdə izləməyimiz isə olduqca simvolik və anlamlıdır.
Çünki biz bu günü tam və qəti qələbənin, dövlətin və ordunun birliyinin bayramı kimi qeyd edirik.
Ermənistan cəmiyyətindəki dağınıqlıq fonunda Azərbaycan cəmiyyətinin və ordusunun birliyi, gücü və “Dəmir Yumruq”un siyasi-strateji nəticəsi daha aydın görünür.
Bu mənzərə qarşısında bir daha deyirik:
Yaşasın Azərbaycan Ordusu!
Yaşasın Ali Baş Komandan!
Yaşasın Dəmir Yumruq!
Diqqət Çəkənlər
Bunu etmək rəsmən qadağan edildi - Prezident TƏSDİQLƏDİ
Sayt və sosial şəbəkədə cəmiyyətə açıqca hörmətsizlik hərəkətləri qadağan edilib. "Bakuinfo" xəbər verir ki, Prezident İlham Əliyev bununla bağlı "İnformasiya, informasiyalaşdırma və informasiyanın mühafizəsi haqqında" qanunda dəyişikliyi təsdiqləyib. Qanuna əsasən, kütləvi nümayiş etdirildiyi halda ictimai mənəviyyatı təhqir edən, cəmiyyətə açıqca hörmətsizlik ifadə edən hərəkətlərin edilməsinə, yəni əxlaqsız ifadələrin səsləndirilməsinə və ya belə məzmun təəssüratı yaradan
Prezident təsdiqlədi: Bu ölkə ilə viza ləğv edildi
Azərbaycan Respublikası Hökuməti ilə Somali Federativ Respublikası Hökuməti arasında diplomatik pasport sahiblərinin vizadan qarşılıqlı azad edilməsi haqqında Saziş” təsdiqlənib. "Bakuinfo" xəbər verir ki, Prezident İlham Əliyev bu barədə Qanun imzalayıb.
Meyiti tapılan tələbə məşhur iş adamının qızı imiş
Xəbər verdiyimiz kimi, Naxçıvan Dövlət Universitetinin Türkiyədən olan iki tələbəsi dünyasını dəyişib. "Bakuinfo" xəbər verir ki, onlardan biri - tibb ixtisası üzrə təhsil alan II kurs tələbəsi Büşra Aksu əslən Türkiyənin Ordu ilindəndir. Tələbə Orduda tanınmış iş adamı Sezai Aksunun qızıdır. Xatırladaq ki, tələbələr ötən gün dəm qazından zəhərlənərək ölüblər. (Unikal.az)
Son Xəbərlər
Bakı məhbusu Gevorq Ermənistanda "şirə döndü" - "And içirəm ki..."
Ermənistana qaytarıldıqdan sonra sosial şəbəkələrdə pafoslu müraciətlə çıxış edən Gevorq Sujyan Bakıda saxlanılan ermənilərə emosional çağırış edib. "Bakuinfo" Musavat.com-a istinadla xəbər verir ki, Sujyan paylaşımında yazıb: “Mən sizi tərk etmədim, dostlar. Ruhumun bir parçasını sizinlə orada qoydum. Siz amansız əsirliyin caynaqlarında qaldığınız müddətdə mənim üçün rahatlıq olmayacaq. Buna and içirəm”. Məhz bu çıxış Sujyanın kimliyi və Bakıda saxlanılmasının real səbəblərini
Xameneinin oğlu Dubaya 1,5 milyard köçürdü
Son 48 saat ərzində İrandan Dubaya təxminən 1,5 milyon ABŞ dolları köçürülüb. “Bakuinfo” xəbər verir ki, bu barədə məlumatı İsrailin “14-cü kanal”ı İslam İnqilabı Keşikçilər Korpusu ilə əlaqəli şəxsə istinadən yayıb. Köçürmələrin bank sistemi vasitəsilə deyil, kriptovalyutalar yolu ilə həyata keçirildiyi bildirilir. Vəsaitlərin köçürülməsində iştirak edənlər arasında İranın ali lideri Əli Xameneinin oğlu Müctəba Xameneinin də olduğu iddia edilir. Məlumata görə, M.Xamenei təxminən 328 milyon
İş adamı Yusif Xəlilovun restoranı söküləcək
Rusiyanın 19-cu Apellyasiya Arbitraj Məhkəməsi Voronej şəhərində yerləşən “Yardi Superbar” restoranının sökülməsi haqqında qərarı təsdiqləyib. “Bakuinfo" Rusiya mətbuatına istinadən xəbər verir ki, məhkəmə instansiyası Voronejdə “Alekseevski” bazarının həmsahibi, azərbaycanlı iş adamı Yusif Xəlilova məxsus tikilinin qanunsuz olması ilə bağlı bələdiyyənin iddiasını təmin edən regional arbitraj məhkəməsinin qərarını qüvvədə saxlayıb. Bildirilir ki, sözügedən restoran Voronej şəhərində
Hacıbala Abutalıbov paytaxtı tərk etdi – Harada yaşadığı MƏLUM OLDU
Uzun illər Bakı Şəhər İcra Hakimiyyətinin başçısı vəzifəsini tutmuş Hacıbala Abutalıbov paytaxtdan köçüb. "Bakuinfo" xəbər verir ki, bu barədə onun ailə üzvləri bildirib. Məlumata görə, keçmiş mer Qaxın Ağçay kəndində özü üçün inşa etdirdiyi kiçik villada yaşayır. Onun bu kəndə köçməsinə səbəb isə həyat yoldaşının məhz Ağçaydan olmasıdır. Yaxınları deyi ki, Hacıbaba Abutalıbov təsadüfi hallarda kənd arasında olur. “Yaşlanıb, özü üçün həyət-bacada gəzir” – deyə yaxınları bildirib.
Prezident TƏSDİQLƏDİ: Bu proses artıq ödənişlidir
Müəllimlərin işə qəbulu (MİQ) ilə əlaqədar keçirilən müsabiqədə iştirak ödənişli olacaq. “Bakuinfo” xəbər verir ki, bununla bağlı Prezident İlham Əliyev “Ümumi təhsil haqqında” Qanuna dəyişiklikləri təsdiqləyib. Qeyd edilib ki, dəyişikliklərə əsasən, ödəniş ilk dəfə müsabiqədə iştirak edənlər, əlilliyi olan şəxslər, ünvanlı dövlət sosial yardımı alan ailələrin üzvləri, şəhid ailəsinin üzvləri və Azərbaycanın ərazi bütövlüyü uğrunda döyüş əməliyyatlarında iştirak etdiyinə görə “Müharibə
İqbal Hüseynov işdən çıxarıldı - SƏRƏNCAM
"Azərbaycan Dəmir Yolları" QSC-nin sədr müavini İqbal Əli oğlu Hüseynov vəzifəzindən azad edilib. "Bakuinfo" xəbər verir ki, bununla bağlı Azərbaycan Respublikasının Prezidenti İlham Əliyev müvafiq Sərəncam imzalayıb. Qeyd edək ki, İ.Hüseynov müxtəlif vəzifələrdə çalışıb, 2004-2010-cu illərdə Azərbaycan Dövlət Dəmir Yolunun iqtisadi məsələlər üzrə rəis müavini, 2010-2026-cı illərdə “Azərbaycan Dəmir Yolları” QSC-nin sədr müavini vəzifələrində çalışıb. (APA)
Tanınmış azərbaycanlı alim ABŞ-da həbs olundu
ABŞ İmmiqrasiya və Gömrük Mühafizəsi (ICE) tanınmış azərbaycanlı alim, neyrobioloq və Buffalo Universitetinin (Nyu York) professoru Şövqi Hüseynovu həbs edib və onu deportasiya etməyə hazırlaşır. "Bakuinfo" xəbər verir ki, bu həbs Prezident Donald Trampın kütləvi deportasiya proqramının icrası ilə əlaqələndirilir. “The Investigative Post” nəşri Ş.Hüseynov üzərində heç bir cinayət əməlinin olmadığını yazıb. "Onun 2029-cu ilə qədər ABŞ-da işləməyə icazə verən vizası var. 7
Məhkəmə Gültəkin Hacıbəyli ilə bağlı qərar verdi
Ankara İnzibati Məhkəməsi Gültəkin Hacıbəylinin şikayətini təmin etməyib. "Bakuinfo" xəbər verir ki, bu barədə özü sosial şəbəkə hesabında məlumat paylaşıb: “Artıq iki aya yaxındır ki, Türkiyədə Çatalca Geri Göndərmə Mərkəzində qapalı həbsxana şəraitində saxlanılıram. Ötən gün İstanbul İnzibati Məhkəməsi barəmdə verilmiş deportasiya qərarının dayandırılması ilə bağlı müraciətimə baxaraq şikayətimi təmin etməyib"'. Hacıbəyli bildirib ki, bu gün Ankara İnzibati Məhkəməsi
Enerji Effektivliyi İnformasiya Sistemi yaradılacaq
Enerji Effektivliyi İnformasiya Sistemi yaradılacaq. "Bakuinfo" xəbər verir ki, bu, Prezident İlham Əliyevin təsdiqlədiyi “Enerji resurslarından səmərəli istifadə və enerji effektivliyi haqqında” qanuna edilən dəyişiklikdə əksini tapıb. Sənədə əsasən, müvafiq icra hakimiyyəti orqanının müəyyən etdiyi orqanın (qurumun) enerji effektivliyi informasiya sistemi vasitəsilə enerji resurslarından səmərəli istifadə və enerji effektivliyi sahəsində dövlət nəzarəti, enerji auditorlarının və
Hava kəskin dəyişir: Altı gün qar yağacaq - XƏBƏRDARLIQ
Yanvarın 17-si gündüzdən 22-dək ölkə ərazisində hava şəraitinin yenidən yağıntılı olacağı, bəzi ərazilərdə sulu qar, dağlıq və dağətəyi rayonlarda isə qar yağacağı gözlənilir. "Bakuinfo" xəbər verir ki, bu barədə Milli Hidrometeorologiya Xidməti məlumat yayıb. Bildirilib ki, yağıntıların ayrı-ayrı yerlərdə intensivləşəcəyi ehtimal olunur. Bəzi ərazilərdə şimal-qərb küləyinin güclənəcəyi gözlənilir. Bunu Xidmətin rəis müavini Gülnarə Abbasova bildirib. O qeyd edib ki, bu müddət ərzində
