Vladimir Putinin Azərbaycanla bağlı bu sözündən utandınızmı?
Vladimir Putinin Düşənbədə Azərbaycanla bağlı “rusdilli ölkədir” sözləri niyə “diqqətdən yayındı”?
Qəribədir ki, ötən gün, Putinin bu sözlərindən sonra sosial şəbəkədə “Bakılılar günü” ilə bağlı saysız-hesabsız paylaşımlar da aktivləşdi - halbuki “Bakılılar günü” adlı “tarix” dünən, o paylaşımlar da bu ilin deyil. Sanki Putinin bu sözləri ilə o “tarix” xatırlanmış, internetdə axtarışlar verilmiş və buna görə də sosial şəbəkə o görüntüləri önə çıxarmışdı!
“Rusdilli Bakı”nın həsrətini çəkən və “erməniyə dayı deyənlər” sürüsünün necə həsrətlə, həm də rus dilinin “Bakı şivəsində” bu günün üzərindən manipulyasiya edərək, azərbaycanlıları aşağılama cəhdini müşahidə etmək ağırdır; ən ağırı isə aşağılananların aşağılayanlara əl çalmasını seyr etməkdir...
Ruscanın bütün SSRİ-də birmənalı dominant olduğu və Bakıda öz dilinə xor baxıb, ruscada xoşbəxt olanların aşağılayıcı ritorikasına, özlərini bizdən deyil, “rus ali irqindən” olduqlarını göstərənlərin sayına/dairəsinə baxmayaraq, bu ölkənin - yəni o vaxtkı respublikanın - siyasi elitası, ziyalıları, aydınları Azərbaycan dilinin bütün incəliklərini ən yüksək şəkildə qoruyub saxlayırdılar, hətta SSRİ-də Azərbaycan nadir respublika idi ki, öz dilinin dövlət dili olmasını konstitusiyaya salmışdı.
Orta Asiya türklərindən fərqli olaraq, Azərbaycanda ana dilinin təmizliyinin keşiyində duran böyük bir aydınlar təbəqəsi vardı - baxmayaraq ki, Bakıda “rus-erməni”lərin bəlli yerlərində rusca qurdalanmaqdan xoşlananlar bu xalqa üstdən-aşağı baxır, “ali irqə” qoşulub, “çuşka” olmadıqlarını əbləhcəsinə göstərməyə çalışırdılar.
80-ci illərin ikinci yarısından isə bu ölkədə canlı danışıqdan rus sözlərinin təmizlənməsi aksiyaya çevrildi, ziyalılar bunun önündə durdular və zibillənən danışıq dilini əhəmiyyətli dərəcədə təmizlədilər: valideynlər uşaqlarını rus məktəblərindən Azərbaycan məktəblərinə keçirdilər və s.
Amma indi, 40 ildən sonra yenidən 70-ci illərin “nostalji”si qalxıb deyəsən: bütün məhəllələrdə uşaqların bir-biri ilə rusca danışığı eşidilir; şəhərin mərkəzində rusca qulaq deşir!
Bu ölkənin müstəqilliyini elan etməsinin bir neçə gün sonra 34 ili tamam olur - yəni tamamilə yenilənməyə kifayət edəcək zamandır, ancaq canlı danışıqda rus sözləri azalmaq əvəzinə artır;
Bu ölkənin mediası 36 ildir azaddır - hələ də “zapravka” kimi sözləri başlığa çıxarıb tirajlamaqdan utanıb-xəcalət çəkən və bu əməlin dilə xəyanət olduğunu dərk edən yoxdur!
Gör hansı səviyyəyə gəlib çıxmışıq ki, “tiktoker” olduğunu nümayiş etdirən, kiminsə altına maşın alıb qoyduğu xanımcığaz yanacaq məntəqəsində sifariş verərkən, “doxsan piyat” doldurulmasını xahiş edir və bunu çəkib yaymaqdan zərrəcə utanmır!
Hansı şüur və düşüncə ilə öz ana dilində danışmaqdan utanıb, bilmədiyin dildə danışmağa can atmaq olar?
Bir insan təmsil olunduğu milləti, onun dilini necə sevməyə bilər axı? Bir insan necə ana dilinin yox, ruscanın xiffətini çəkə bilər axı? Bir insan necə cidd-cəhdlə bilmədiyi ruscada danışması ilə öyünməyə çalışa bilər?
Azərbaycan işğalı bitirən, öz ərazi bütövlüyünü bərpa edən, regionda söz sahibinə çevrilən şərəfli bir ölkədir - az qala bütün dünya Azərbaycandan öyrənməyə çalışır!
Bu ölkə kimsənin əlinə baxmır, dilənmir, sədəqə ilə yaşamır - əksinə, özü kimlərəsə yardımlar edir!
Bu ölkənin vətəndaşı olmaqla, bu ölkənin dilində danışmaqla niyə fəxr etmirsiniz ki!
Bu dövlətin fəxri ad-titullarını daşıyıb, səfasını görüb, niyə ruscanın xiffətini çəkməlisiniz?
İstanbulda bir geyim mağazasında bilmədiyin, qol-qanadı sındırılmış ruscada danışmağın adı nədir? Bu mənzərəni görəndə heyrətdən donub qalmışdım: adam rusca bilmir, amma rus dilində bildiyi bütün sözləri öz şikəst “ləhcəsiylə” bir-birinin dalına düzüb, Türkiyədə, təsəvvür edirsiniz, Türkiyədə və türk satıcı ilə “ünsiyyət qurmağa” çalışır. Və bu “xanımcığazın” rus dilində dediyi “cümlənin” sözləri heç bir məna ifadə etmir.
Halbuki anasının... dili ilə danışsa, türk satıcı hər sözü anlayar!
Məsələ onda deyil ki, bu ölkədə orta məktəblərin cəmi 8 faizi rusdillidir!
Məsələ onda da deyil ki, Bakıda rus dili “ünsiyyət vasitəsi kimi” sürətlə genişlənir!
Məsələ düşüncədədir, aşağılıq kompleksindədir, rus dilndə danışmaqla özünü daha “ali” göstərmək cəhdindədir!
Biriləri haqq etmədiyi bütün sosial imtiyazlara nail olub, “altını doldurandan” sonra indi də “başının dolu olduğunu” göstərməyə çalışır və rusca ilə: Və bu, yalnız təxmin etdiyiniz kateqoriyadan olanlara aid deyil, yeri səhv düşənlərin hamısına aiddir - Türkiyə kanalında “məşhur azərbaycanlı jurnalist və ekspert” kimi təqdim edilib, “İranla Suriyanın sərhədindən” danışan və İranla Suriyanın qonşu olmadığını bilməyən əbləhlər dəstəsinə qədər...
Ona görə Putin Azərbaycanı “rusdilli ölkə” adlandıra bilir!
Və ən maraqlısı da budur: Putinin bu sözü deməsindən bir sutka keçib, reaksiya yoxdur - sanki belə də olmalıdır!
Halbuki utanmaq lazım idi!
Azərbaycan dili 60-cı illərdə bu cür işğal olunmamışdı! O illərdə böyük bir yaradıcı nəsil bu dili bütün əzəməti ilə yaşadırdı! (Axar.az)
Diqqət Çəkənlər
Prezidentdən su ilə bağlı şad xəbər
“Bakının və Abşeron yarımadasının içməli su problemləri əfsuslar olsun ki, uzun illər ciddi problem kimi qarşımızda durur. Qeyd etdiyim kimi, bu istiqamətdə müəyyən işlər görülüb. Ancaq mən hesab edirəm, vaxt gəlib çatıb ki, genişmiqyaslı və müfəssəl dövlət proqramı qəbul edilsin”. “Bakuinfo" xəbər verir ki, bu sözləri Azərbaycan Prezidenti İlham Əliyev Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair Dövlət Proqramına həsr
Prezident təsdiqlədi: Onların hərbi xidmət müddəti 6 ay azaldıldı
Zabitlərin dinc dövrdəki həqiqi hərbi xidmət müddəti 6 ay azaldılıb. "Bakuinfo" xəbər verir ki, bu, Prezident İlham Əliyevin "Hərbi xidmətkeçmə haqqında" Əsasnamənin təsdiq edilməsi barədə" və "Hərbi vəzifə və hərbi xidmət haqqında" qanunlarında dəyişikliyi təsdiqləməsi ilə mümkün olub. Qanuna əsasən, ehtiyatdan müddətli həqiqi hərbi xidmətə çağırılan və ya bağlaşma əsasında həqiqi hərbi xidmətə könüllü daxil olan zabitlərin dinc dövrdə həqiqi hərbi xidmət
Ermənistan işğalla hədələndi
Solovyov, onun həmkarları və rəhbərləri üçün Ermənistan suveren dövlət deyil, təsir dairəsidir, təsəvvürlərində Ukraynada olduğu kimi, “xüsusi hərbi əməliyyat” həyata keçirilə biləcək ərazidir”. "Bakuinfo" xəbər verir ki, bunu Ermənistanın hakim “Vətəndaş Müqaviləsi” partiyasından olan deputat Alxas Qazaryan rusiyalı jurnalist, Kremlin təbliğatçısı Vladimir Solovyovun ölkəsi barədə açıqlamasını şərh edərkən deyib. Deputat Ermənistanın keçmiş prezidentləri Robert Köçəryan və Serj
Son Xəbərlər
Adnan Əhmədzadə haqda - Yeni qərar
İqtisadi təhlükəsizliyə qarşı təxribat və xüsusilə külli miqdarda mənimsəmədə ittiham olunan tanınmış iş adamı Adnan Əhmədzadənin həbsdə saxlanılma müddəti uzadılıb. “Bakuinfo" xəbər verir ki, Səbail Rayon Məhkəməsi Dövlət Təhlükəsizliyi Xidmətinin (DTX) vəsatəti əsasında yeni qərar qəbul edib. Məhkəmə iri həcmli iş üzrə istintaq hərəkətlərinin hərtərəfli və maneəsiz aparılmasını təmin etmək məqsədilə Adnan Əhmədzadənin həbs müddətinin uzadılmasına qərar verib. Qeyd edək ki, dünyaca məşhur
Bu xanıma yüksək vəzifə verildi
Azərbaycan Respublikası Kino Agentliyinin Kino mədəniyyətinin təbliği şöbəsinə yeni müdir təyin edilib. "Bakuinfo" xəbər verir ki, bu vəzifəyə Səbinə Bağırova təyin olunub. Səbinə Bağırova faktı APA-ya təsdiqləyib. Qeyd edək ki, bundan əvvəl sözügedən vəzifəni Turan Məmmədli icra edib.
Hava kəskin soyuyur: Bu tarixdə Bakıya QAR YAĞACAQ
Sabah Azərbaycanda hava necə olacaq? Yanvarın 14-də gözlənilən hava proqnozu açıqlanıb. Bu barədə "Bakuinfo"ya Milli Hidrometeorologiya Xidmətindən məlumat verilib. Bakıda və Abşeron yarımadasında hava necə olacaq? Bildirilib ki, Bakıda və Abşeron yarımadasında hava şəraitinin arabir yağıntılı olacağı gözlənilir. Bəzi yerlərdə intensivləşəcəyi, ayrı-ayrı yerlərdə yağışın sulu qarla qarışıq yağacağı ehtimalı var. Güclü şimal-qərb küləyi əsəcək. Havanın temperaturu gecə və gündüz 1-4°
İrana hücum hazırlıqları başladı
ABŞ İrana hücuma hazırlıqlara başlayıb. "Bakuinfo" xəbər verir ki, bu barədə "Əl-Cəzirə" anonim amerikalı mənbəyə istinadən məlumat yayıb. Mənbə bildirib ki, İrana qarşı güc tətbiq etmək planları inkişaf mərhələsindədir və bu ssenarilər situasiyadan asılı olaraq hazırlanır. Onun sözlərinə görə, Yaxın Şərqdəki Amerika hərbi kontingenti istənilən ssenariyə və öz maraqlarını müdafiə etməyə hazırdır.
Ermənistan işğalla hədələndi
Solovyov, onun həmkarları və rəhbərləri üçün Ermənistan suveren dövlət deyil, təsir dairəsidir, təsəvvürlərində Ukraynada olduğu kimi, “xüsusi hərbi əməliyyat” həyata keçirilə biləcək ərazidir”. "Bakuinfo" xəbər verir ki, bunu Ermənistanın hakim “Vətəndaş Müqaviləsi” partiyasından olan deputat Alxas Qazaryan rusiyalı jurnalist, Kremlin təbliğatçısı Vladimir Solovyovun ölkəsi barədə açıqlamasını şərh edərkən deyib. Deputat Ermənistanın keçmiş prezidentləri Robert Köçəryan və Serj
“Bir gün də yubanma olmamalıdır” - Prezident İlham Əliyev tapşırıq verdi
“Proqram çox genişdir, çox konkretdir. Bütün vəzifələr orada qoyulub, nəzarət də təmin ediləcək, həm Hökumət tərəfindən, həm də Prezident Administrasiyası tərəfindən”. “Bakuinfo” xəbər verir ki, bunu Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair 2026-2035-ci illər üzrə Dövlət Proqramına həsr olunan bugünkü müşavirədə Prezident İlham Əliyev bildirib. Ölkə başçısı çıxışında Proqramın icrasına ictimai nəzarətin mütləq olmalı
Binalarda "Komendant pulu" ləğv olunur
Azərbaycanda daşınmaz əmlak sektorunun ən həssas yerlərindən biri - binaların idarə olunması və kommunal xidmət haqlarının yığılması məsələsi yenidən gündəmə gəlib. Onilliklərdir davam edən tikinti bumu paytaxtın simasını dəyişsə də, həm "köhnə", həm də "yeni" binaların idarəetmə modelində ciddi xaos hökm sürür. Sovet dövründə inşa edilmiş binalarda vəziyyət ziddiyyətlidir. Rəsmi olaraq 2009-cu ildən Mənzil Kommunal İstismar Sahələri (JEK) ləğv edilsə də, faktiki olaraq bu
Fuad Qəhrəmanlı DTX-yə çağırıldı - “Boz kardinal”ın işinə görə
Hazırda həbsdə olan AXCP sədri Əli Kərimlinin müavini Fuad Qəhrəmanlı da xüsusilə ağır cinayətlərdə ittiham olunan Ramiz Mehdiyevin cinayət işi ilə bağlı ifadə verməyə çağırılıb. “Bakuinfo" xəbər verir ki, F.Qəhrəmanlı bu barədə özü məlumat yayıb. “Dövlət Təhlükəsizliyi Xidmətinin (DTX) İstintaq İdarəsindən zəng edib Ramiz Mehdiyevin işi ilə bağlı ifadə verməyə dəvət etdilər. Bildirdim ki, hazırda ölkədə yoxam və sualları telefonla cavablandırmağa hazıram”. Qeyd edək ki, Prezident
Prezidentdən Məcnun Məmmədovla bağlı SƏRƏNCAM
Azərbaycan və Latviya arasında iqtisadi, elmi-texniki və mədəni əməkdaşlıq üzrə Hökumətlərarası Komissiyanın Azərbaycan Respublikası tərəfindən yeni tərkibi təsdiq edilib. “Bakuinfo” xəbər verir ki, bununla bağlı Azərbaycan Prezidenti İlham Əliyev Sərəncam imzalayıb. Sərəncama əsasən, Azərbaycan-Latviya Hökumətlərarası Komissiyasının Azərbaycan tərəfindən həmsədri kənd təsərrüfatı naziri Məcnun Məmmədov təyin edilib. Xarici İşlər Nazirliyi bu Sərəncamın 1-ci hissəsi ilə edilən dəyişiklik barədə
Prezidentdən su ilə bağlı şad xəbər
“Bakının və Abşeron yarımadasının içməli su problemləri əfsuslar olsun ki, uzun illər ciddi problem kimi qarşımızda durur. Qeyd etdiyim kimi, bu istiqamətdə müəyyən işlər görülüb. Ancaq mən hesab edirəm, vaxt gəlib çatıb ki, genişmiqyaslı və müfəssəl dövlət proqramı qəbul edilsin”. “Bakuinfo" xəbər verir ki, bu sözləri Azərbaycan Prezidenti İlham Əliyev Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair Dövlət Proqramına həsr
