Sahil Babayevin sirri açılır: Böyük əməliyyata hazırlıq – “Qara kassalar”, gizlinlər…
Ötən həftə mühüm təyinatlarla yadda qaldı. Əmək və Əhalinin Sosial Müdafiəsi Nazirliyində baş verənlər diqqətləri bir neçə istiqamətə çəkdi.
Samir Şərifov maliyyə naziri vəzifəsindən çıxarılandan az sonra mediada belə bir iddia dolaşmağa başladı ki, supernazirlik yaradılır. Guya Maliyyə Nazirliyi, Əmək və Əhalinin Sosial Müdafiəsi Nazirliyi, Dövlət Gömrük Komitəsi, Vergi Xidməti bir qurumda birləşdiriləcək, yeni təsis edilən təşkilatın başına Sahil Babayev gətiriləcək.
Bu xəbərə inananları sayı sürətlə artırdı. Gömrük Komitəsində bu gün də davam edən maaş böhranını belə bu məsələyə bağlayanlar vardı. Amma deyilənlər olmadı. İdarəetmədə status-kvo saxlandı.
Fevralın 6-da Sahil Babayev Prezident İlham Əliyevin sərəncamı ilə əmək və əhalinin sosial müdafiəsi naziri vəzifəsindən çıxarıldı. Prezident onu digər sərəncamla maliyyə naziri təyin etdi. Həmin gün dövlət başçısı üçüncü bir sərəncam da imzaladı. Sərəncamla Anar Əliyev əmək və əhalinin sosial müdafiəsi naziri təyin edildi. Bu təyinata kimi A.Əliyev sözügedən nazirlikdə müavin postunu tutub.
Anar Əliyev
Sahil Babayevin maliyyə nazirliyinə rəhbər gətirilməsi bir sualı aktuallaşdırdı: Niyə məhz o? İndi bu sual xeyli insanın düşüncəsinə hakim kəsilib.
Yeri gəlmişkən, bu, ilk deyil. İdarəçilikdə bənzər faktlar olur. Məsələn, Mikayıl Cabbarov təhsil naziri, vergilər naziri kimi mühüm postlar tutub. 2019-cu ilin oktyabr ayında Prezidentin sərəncamı ilə iqtisadiyyat naziri təyin olundu. Başqa nümunələr də var.
S.Babayev əmək və əhalinin sosial müdafiəsi naziri kimi fəaliyyət göstərdiyi 7 ildə daha çox “qənaətcil məmur” kimi ad çıxarıb. O, nazir olduğu müddətdə 100 minlərlə vətəndaşı narazı salıb. Buna rəğmən, geri addım atmayıb. Onu Azərbaycanda daha çox “pensiya kəsən”, “uşaqpulu verməyən”, “müavinətləri azaldan”, “ünvanlı sosial yardımları dayandıran” nazir kimi xatırlayacaqlar. Sadə xalq düşünür ki, Sahil Babayev ona pislik edib. Çörəyini kəsib. Amma bir gerçəklik var ki, istər Füzuli Ələkbərovun vaxtında, istərsə də Səlim Müslümovun dövründə pensiya, əlilliyə görə ödəniş, ünvanlı sosial yardım məsələsində çox saxtakarlıq edilib. S.Babayev dövlətin ən ali ünvanından gələn tapşırıqlara əməl edib, bu sahədə sistem yaratmağa çalışıb. Şərtləri ağırlaşdırıb, nəzarəti artırıb. Tənqidlərə sinə gərib, addımlarını əsaslandırmağa çalışıb – yalnız sözlə yox, rəqəmlərlə, faktlarla, hesabatlarla.
Düzdür, xalqı inandırmaq olmaz ki, Sahil Babayev sırf maaşla dolanıb, tam şəffaf fəaliyyət göstərib. Kasıb, ehtiyac içində olan təbəqəyə qarşı göstərdiyi prinsipiallığı, tələbkarlığı özünə qarşı da tətbiq edib. Azərbaycanlılar nəyə inansalar da, hansısa nazirin təmiz işləməyinə çətin inanarlar. Hətta o nazir və digər vəzifə sahibləri aldıqları maaşdan başqa heç nəyə tamah salmasalar, dürüst olsalar da, xalq yenə quşqulanar. Xalqın belə düşünməsinin sadə səbəbi var: “Aşıq gördüyünü çağırar”…
Samir Şərifov
Sahil Babayevin maliyyə naziri təyin olunmasının məntiqi onun ƏƏSM-dəki qənaətcil, tələbkar və təftişçi fəaliyyəti ilə izah oluna bilər. Görünür, dövlətin müxtəlif təbəqələrindəki “qara kassaları”, gizli maliyyə axınlarını aşkarlamaq, onları yox etmək üçün Sahil Babayev Maliyyə Nazirliyinə gətirilib. Samir Şərifovun uzun illər bu posta qalması ola bilsin, bir çox məsələləri görməsinə, proseslərə daha geniş viziondan baxmasına imkan vermirmiş. Yəqin, ona görə də Maliyyə Nazirliyi kimi vacib bir struktur ən yüksək səviyyədə güvən qazanmış, sınaqdan keçmiş kadra həvalə edilib.
Anar Əliyevin əmək və əhalinin sosial müdafiəsi naziri təyinatının bir səbəbi də, görünür, bununla bağlıdır. Sahil Babayevin vasitəsilə qurulmuş sistemə “yad adamın” buraxılması məqsədəuyğun sayılmayıb. Bu həm də o deməkdir ki, ƏƏSMN-in fəaliyyətinə nəzarət paketi bir müddət Sahil Babayevdə olacaq. İki mühüm postun vahid nəzarət sistemi altında saxlanılması yeyinti və talançılığın qarşısının alınmasına hesablanmış ola bilər.
Sahil Babayevə bu yüksək etimad son 7 ildə ona baha başa gəldi. İctimai rəydə ən çox tənqid edilən, yamanlanan, söyülən nazir oldu. Maraqlarına toxunduğu, qazanclarına çomaq soxduğu “maliyyə imperatorlarının” da onun gözdən salınması üçün fəaliyyətə keçdiyi sirr deyil. Maliyyə naziri kimi də S.Babayevi sakit həyatın gözləmədiyi məlumdur. Çünki burda daha ciddi ünvanlara, təsir imkanları böyük olan təbəqələrə, geniş səlahiyyətli şəxslərə “savaş” açmalı olacaq…
Bir şey indidən aydındır: dövlət maliyyə talançılığının, korrupsiyanın qarşısını almaq üçün ciddi tədbirlər görmək məcburiyyətində qalıb. Ayrı-ayrı qurumların daxilində nəzarət mexanizmləri yaradılıb. Daha hansısa agentlik rəhbəri, komitə sədri, nazir əvvəlki kimi dövlət vəsaitini rahatca dağıda, ürəyi istədiyi maliyyə fırıldaqlarını tətbiq edə bilmir. Bir maşın qumun, iki lafet çınqılın hesabatı aparılırsa, demək, tələb və nəzarət kifayət qədər artırılıb.
Buna baxmayaraq, yeyinti, talançılıq, korrupsiya hələ də davam edir. Sadəcə, bunu azaltmaq, minimuma salmaq üçün yalnız həbslər, işdən çıxarılmalar yetərli olmadı. Sistem və kadr dəyişikliyi edilməsinə ehtiyac yaranıb.
Dövlət artıq manatın belə hesabını aparmaq üçün fəaliyyətə keçib. Bu nəzarət xalqın həyatına, dolanışığına birbaşa təsir etsə, daha effektiv olacaq, dəstəklənəcək.
Ümumiyyətlə, qarşıdakı zamanda bu təyinatların nə qədər effektiv olacağını ictimaiyyət görə biləcək.
Diqqət Çəkənlər
Bunu etmək rəsmən qadağan edildi - Prezident TƏSDİQLƏDİ
Sayt və sosial şəbəkədə cəmiyyətə açıqca hörmətsizlik hərəkətləri qadağan edilib. "Bakuinfo" xəbər verir ki, Prezident İlham Əliyev bununla bağlı "İnformasiya, informasiyalaşdırma və informasiyanın mühafizəsi haqqında" qanunda dəyişikliyi təsdiqləyib. Qanuna əsasən, kütləvi nümayiş etdirildiyi halda ictimai mənəviyyatı təhqir edən, cəmiyyətə açıqca hörmətsizlik ifadə edən hərəkətlərin edilməsinə, yəni əxlaqsız ifadələrin səsləndirilməsinə və ya belə məzmun təəssüratı yaradan
Meyiti tapılan tələbə məşhur iş adamının qızı imiş
Xəbər verdiyimiz kimi, Naxçıvan Dövlət Universitetinin Türkiyədən olan iki tələbəsi dünyasını dəyişib. "Bakuinfo" xəbər verir ki, onlardan biri - tibb ixtisası üzrə təhsil alan II kurs tələbəsi Büşra Aksu əslən Türkiyənin Ordu ilindəndir. Tələbə Orduda tanınmış iş adamı Sezai Aksunun qızıdır. Xatırladaq ki, tələbələr ötən gün dəm qazından zəhərlənərək ölüblər. (Unikal.az)
Vaqif Xaçatryandan Ermənistanda İLK AÇIQLAMA
Vaqif Xaçatryanın əhvalı yaxşıdır, hazırda vətəni Ermənistandadır və səbirsizliklə qohumları ilə görüşü gözləyir". "Bakuinfo" xəbər verir ki, bunu Ermənistanın səhiyyə naziri Anahit Avanesyan jurnalistlərə açıqlamasında deyib. O əlavə edib ki, Bakıda həbsxanadan Ermənistana gətirilən Vaqif Xaçatryan bu gün xəstəxanaya aparılıb və orada müayinədən keçib. "Hazırda müayinədən keçir. Bilirik ki, onun xroniki ürək xəstəliyi var idi, ona görə də əlavə müayinələr aparmalıyıq.
Son Xəbərlər
Bütün KFC restoranları bağlandı
Rusiyada KFC (Kentucky Fried Chicken - ing. 1930-cu ildə ABŞ-də yaradılan fastfud şəbəkəsi) restoranları bağlanıb. "Bakuinfo" xəbər verir ki, bu barədə Rusiya KİV məlumat dərc edib. Qeyd olunur ki, bütün restoranlar "Rostic" brendi altında fəaliyyət göstərir və inkişaf edir. Hazırda "Rostic"in müəssisələrinin ümumi sayı 1,3 mini keçib.
Yeni sədr Əfqan Cəlilov kimdir? - DOSYE
Xəbər verdiyimiz kimi, Prezidentin bu gün imzaladığı Sərəncamla Əfqan Süleyman oğlu Cəlilov "Azərbaycan Xəzər Dəniz Gəmiçiliyi" QSC-nin (ASCO) sədr təyin edilib. "Bakuinfo" xəbər verir ki, o, bu təyinatadək Dövlət Dəniz və Liman Agentliyi İdarə Heyətinin sədrinin əvəzi vəzifəsində çalışıb. Belə ki, Əfqan Süleyman oğlu Cəlilov 1978-ci ildə anadan olub. 1995 – 2001-ci illərdə Azərbaycan Dövlət İqtisad Universitetinin İqtisadiyyatın tənzimlənməsi fakültəsi üzrə bakalavr, daha
“Şöhrət” ordeni ilə təltif olunan Nadejda İsmayılova kimdir? – DOSYE
Azərbaycan Respublikasında jurnalistika sahəsində uzunmüddətli və səmərəli fəaliyyətinə görə Nadejda Vasilyevna İsmayılova “Şöhrət” ordeni ilə təltif edilib. “Bakuinfo” xəbər verir ki, Prezident İlham Əliyev bununla bağlı müvafiq Sərəncam imzalayıb. Dövlət başçısının qərarı Nadejda İsmayılovanın Azərbaycan mətbuatının inkişafında göstərdiyi xüsusi xidmətlərin yüksək qiymətləndirilməsi kimi dəyərləndirilir. Nadejda İsmayılova kimdir? – Qısa dosye Nadejda Vasilyevna İsmayılova Azərbaycan
Nadejda İsmayılova “Şöhrət” ordeni ilə təltif edildi
Azərbaycan Respublikasında jurnalistika sahəsində xüsusi xidmətlərinə görə Nadejda Vasilyevna İsmayılova “Şöhrət” ordeni ilə təltif edilib. "Bakuinfo" xəbər verir ki, Prezident İlham Əliyev bu barədə Sərəncam imzalayıb.
İlham Əliyev onu sədr təyin etdi - SƏRƏNCAM
Rauf Göyüş oğlu Vəliyev “Azərbaycan Xəzər Dəniz Gəmiçiliyi” Qapalı Səhmdar Cəmiyyəti İdarə Heyətinin sədri vəzifəsindən azad edilib. "Bakuinfo" xəbər verir ki, Prezident İlham Əliyev bununla bağlı Sərəncam imzalayıb. Prezidentin digər Sərəncamı ilə Əfqan Süleyman oğlu Cəlilov “Azərbaycan Xəzər Dəniz Gəmiçiliyi” Qapalı Səhmdar Cəmiyyəti İdarə Heyətinin sədri təyin edilib.
Sabiq icra başçısının oğlu Yevlaxda adam güllələdi
Bu gün Yevlaxda silahlı insident baş verib. "Bakuinfo" xəbər verir ki, hadisə zamanı 39 yaşlı Zaur Səmədov qeydiyyatda olan ov tüfəngi ilə xuliqanlıq zəminində 46 yaşlı tanışının ayaq nahiyəsinə xəsarət yetirib. Z.Səmədov polis əməkdaşları tərəfindən saxlanılıb. Faktla bağlı Yevlax Rayon Polis Şöbəsində Cinayət Məcəlləsinin müvafiq maddələri ilə cinayət işi başlanılıb, araşdırmalar davam etdirilir. Əldə etdiyimiz digər məlumata görə, Zaur Səmədov Yevlaxın sabiq icra başçısı Qoca
Nəsimi rayonuna artıq o rəhbərlik edəcək
Xəbər verdiyimiz kimi, ötən ilin dekabrında Nəsimi Rayon İcra Hakimiyyətinin (RİH) sabiq başçısı Elxan İbrahimov vəzifəsindən uzaqlaşdırıldı. Bundan sonra yerli KİV-də onun səlahiyyətlərinin müvəqqəti olaraq birinci müavin Gülarə Verdiyevaya tapşırılması ilə xəbərlər yayılmışdı. "Bakuinfo" xəbər verir ki, Gülarə Verdiyevaya tapşırılan səlahiyyətlər ondan alınıb. Hazırda isə icra başçısının səlahiyyətlərini müvəqqəti icrası digər müavin Zahid Xəlilovdur. Fotoda Zahid Xəlilov Nəsimi
Sabah Bakıda hava necə olacaq?
Yanvarın 17-də gözlənilən hava proqnozu açıqlanıb. Bakıda və Abşeron yarımadasında hava necə olacaq? Milli Hidrometeorologiya Xidmətindən "Bakuinfo"ya verilən xəbərə görə, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin gündüz bəzi yerlərdə çiskinli, axşam isə arabir yağıntılı olacağı gözlənilir. Gecəyə doğru yarımadanın ayrı-ayrı yerlərində yağıntının intensivləşəcəyi, bəzi şəhərətrafı ərazilərdə yağışın sulu qarla qarışıq
Orta aylıq əməkhaqqı bu qədər artıb
2025-ci ilin yanvar-noyabr aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 9,3 faiz artaraq 1089,2 manat təşkil edib. Bu barədə “Bakuinfo"ya Dövlət Statistika Komitəsinə istinadən xəbər verir. İqtisadiyyatın mədənçıxarma sənayesi, maliyyə və sığorta fəaliyyəti, informasiya və rabitə, peşə, elmi və texniki fəaliyyət, eləcə də nəqliyyat və anbar təsərrüfatı sahələrində orta aylıq nominal əməkhaqqı daha yüksək olub.
İlham Əliyevin İsveçrəyə səfəri gözlənilir
Yanvarın 19-23-də İsveçrənin Davos şəhərində Dünya İqtisadi Forumunun (WEF) 2026-cı il üzrə illik toplantısı keçiriləcək. "Bakuinfo" xəbər verir ki, toplantıda 65 dövlət və hökumət başçısı, eləcə də beynəlxalq təşkilatların rəhbərləri, aparıcı biznes və maliyyə qurumlarının nümayəndələrinin iştirakı gözlənilir. Forumun dəvətliləri arasında ABŞ Prezidenti Donald Tramp, Azərbaycan Respublikasının Prezidenti İlham Əliyev, Almaniya Kansleri Fridrix Mertz, Finlandiya Prezidenti Aleksandr
