Vahid Mustafayev: "Cabir böyük bir təcrübə idi"

Şou-biznes 12:54, 30 sentyabr 2025, 0

Güzgüsü sınan cəmiyyət

Xəstə cəmiyyətin ən çətin işi – özünə kənardan baxmaqdır. Biz daim güzgülər axtarırıq: biri bizi arıq göstərsin, biri qırışlarımızı azaltsın, biri saçımızı gur göstərsin. Amma heç kim elə güzgü istəmir ki, bütün eyiblərini çılpaq şəkildə göstərsin. Halbuki insan eyiblərini görməsə, onları dəyişmək və müalicə etmək belə ağlına gəlməz. Nəticədə isə cəmiyyət öz nəcisində batar.

Azərbaycanın bu sahədə bəxti gətirmişdi – onun daim və hər küncdən bizi izləyən güzgüsü var idi: zati-aliləri Cabir İmanov, güzgünü bizim qarşımıza qoyan böyük sənətkar.

O, sadəcə satirik bir ifaçı deyildi. O, böyük bir təcrübə idi. Cabirlə nəyisə müzakirə etmək həyəcanlı idi, çünki siz heç vaxt onun fikrini qabaqcadan tuta bilmirdiniz – o, həmişə daha çox bilirdi. Cabir intellektual olaraq bir çoxlarından daha zəngin idi: daha çox tarixə, daha çox biliyə, daha geniş söz ehtiyatına malik idi. Bu təsadüfi deyildi – çünki o, Azərbaycan musiqisinin nəhəngi, xalq artisti, “Şöhrət” ordenli bəstəkar Süleyman Ələsgərovun nəvəsi, iqtisad elmləri doktoru, AMEA-nın müxbir üzvü və İspaniya Kral Akademiyasının üzvü, professor Qorxmaz İmanovun oğlu idi.

Məktəbdən sonra gənc Cabir atasının yolunu davam etdirmək arzusu ilə 1997-ci ildə Azərbaycan Dövlət İqtisad İnstitutunu bitirdi. Ardınca hərbi xidmətini keçdi. Daha sonra iqtisadi maraqlarını hüquqla əvəz edərək 1999-cu ildə Bakı Dövlət Universitetinin Hüquq fakültəsinə daxil oldu və 2003-cü ildə məzun oldu. Daxili İşlər Nazirliyində xidmət etdi, polis polkovnik-leytenantı rütbəsinə qədər yüksəldi.

Amma polisdə polkovnik-leytenant olmasına baxmayaraq, satirada o artıq “general” idi. O, bizə gülüş verdi, amma özü içində böyük ağrı daşıyırdı. Bəlkə də ziyalı ailəsinin övladı olaraq həm babasının, həm atasının parlaq yolunu davam etdirən bu istedadlı adamın daxilində başqa bir mübarizə də vardı. O, qanunu qandalla yox, zarafatla tətbiq etməyi seçdi. İnsanlara qanunu təbəssümlə çatdırmaq, əslində, bütün kitablarla silahlanmış bir intellektualın ən cəsarətli addımlarından biri idi.

Cabirin sənət yolu mənim gözlərimin qarşısında 1992-ci illərdə “Parni iz Baku” KVN teatrında başladı. Tezliklə uğurlar gəldi: 1992-ci ildə KVN çempionu, 1995-ci ildə Yay Kubokunun sahibi, 2000-ci ildə “Əsrin Çempionu” oldu. 2001-ci ildə “Etimad telefonu” filmində debüt etdi və sonra “Məhəllə”, “Meşədi İbad”, “Ağanatiq” və digər filmlərdə iz qoydu. Onun obrazları xalqın gündəlik dilinə çevrildi.

29 sentyabr 2025-ci ildə Cabir İmanovun qəfil ölümü bütün mədəniyyət aləmini sarsıtdı. Mənim üçün bu, dünyanın əsaslı şəkildə dəyişdiyi anlardan biri oldu. Bu, elə bil cəmiyyətin özünə baxmaq üçün istifadə etdiyi tək dürüst güzgünün çatlaması idi. Çünki Cabir sadəcə dost və satirik deyildi – o, bir macəra idi, həyatımızın vacib hissəsi idi.

O, həm cəmiyyətin eybəcər cizgilərini güzgü kimi göstərən, həm güldürən, həm düşündürən, həm də insanlara gülüş bəxş edib, içində ağır dərdləri daşıyan və ən çətin anlarda belə ümid verən işıq idi.

Cabirin ifaları həmişə incə, ağıllı və kəskin idi. Onun səhnəyə çıxışı xalq üçün bayram, cahillər və kreslo sahibləri üçün isə matəm idi. Və bəlkə də buna görədir ki, bu gün biz yalnız bir aktyoru deyil, öz dövrümüzün dürüst güzgüsündə böyük bir çat görürük.

Və bu çat yalnız bizə aiddir. Çünki Cabir səhnədə olanda biz gülərək düşünürdük. İndi isə qorxuram ki, bundan sonra düşünmədən gülmək dövrü başlasın. O, həyatımızın bir parçası idi – və bu parça bizdən qoparaq daha gözəl bir məkana təşrif buyurdu.

Amma güzgü tam sınmayıb. Onun qardaşı Tahir İmanov bu yolu davam etdirir. Deməli, hələ də şansımız var – özümüzə baxmaqdan qorxmamaq üçün. Güzgü sınıb, amma tam dağılıb getməyib.

Epiqraflar – Cabirin ruhundan gələn son sözlər kimi

“Azərbaycanlı cahil deyəndə yaddaşlara mənim rollarım gəlir. Amma mən sadəcə bir güzgü idim. Bunu heç bir zaman unutmayın!”

“Məmurların sevmədiyi aktyor olmaqdan qorxmadım. Çünki xalqın sevdiyi aktyor olmaq daha böyük rütbədir”.

“Qanunun qandalı var, amma yumor bu qandalların açarıdır”.

“Ən gözəl güzgü – səhnədir. Mən o güzgünü sınmasın deyə qoruyurdum. İndi isə siz qoruyun, Tahir başda olmaqla”.

“Anar, əzizim, indi tam şəkildə başa düşürəm ki, sən çox tez və nakam getdin…”

“Anam, Atam, Ailəm, Balalarım, Dostlarım – kədərlənməyin, bir təbəssümünüz bəsdir ki, yanınızda olum”.

Müəllif: Vahid Mustafayev

Bizim Telegram kanalımıza abunə olun

Diqqət Çəkənlər

Prezidentdən su ilə bağlı şad xəbər

“Bakının və Abşeron yarımadasının içməli su problemləri əfsuslar olsun ki, uzun illər ciddi problem kimi qarşımızda durur. Qeyd etdiyim kimi, bu istiqamətdə müəyyən işlər görülüb. Ancaq mən hesab edirəm, vaxt gəlib çatıb ki, genişmiqyaslı və müfəssəl dövlət proqramı qəbul edilsin”. “Bakuinfo" xəbər verir ki, bu sözləri Azərbaycan Prezidenti İlham Əliyev Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair Dövlət Proqramına həsr

16:12, 12 yanvar Sosial

Prezident təsdiqlədi: Onların hərbi xidmət müddəti 6 ay azaldıldı

Zabitlərin dinc dövrdəki həqiqi hərbi xidmət müddəti 6 ay azaldılıb. "Bakuinfo" xəbər verir ki, bu, Prezident İlham Əliyevin "Hərbi xidmətkeçmə haqqında" Əsasnamənin təsdiq edilməsi barədə" və "Hərbi vəzifə və hərbi xidmət haqqında" qanunlarında dəyişikliyi təsdiqləməsi ilə mümkün olub. Qanuna əsasən, ehtiyatdan müddətli həqiqi hərbi xidmətə çağırılan və ya bağlaşma əsasında həqiqi hərbi xidmətə könüllü daxil olan zabitlərin dinc dövrdə həqiqi hərbi xidmət

13:54, 12 yanvar Hərbi

Ermənistan işğalla hədələndi

Solovyov, onun həmkarları və rəhbərləri üçün Ermənistan suveren dövlət deyil, təsir dairəsidir, təsəvvürlərində Ukraynada olduğu kimi, “xüsusi hərbi əməliyyat” həyata keçirilə biləcək ərazidir”. "Bakuinfo" xəbər verir ki, bunu Ermənistanın hakim “Vətəndaş Müqaviləsi” partiyasından olan deputat Alxas Qazaryan rusiyalı jurnalist, Kremlin təbliğatçısı Vladimir Solovyovun ölkəsi barədə açıqlamasını şərh edərkən deyib. Deputat Ermənistanın keçmiş prezidentləri Robert Köçəryan və Serj

23:00, 12 yanvar Dünya

Son Xəbərlər

Adnan Əhmədzadə haqda - Yeni qərar

İqtisadi təhlükəsizliyə qarşı təxribat və xüsusilə külli miqdarda mənimsəmədə ittiham olunan tanınmış iş adamı Adnan Əhmədzadənin həbsdə saxlanılma müddəti uzadılıb. “Bakuinfo" xəbər verir ki, Səbail Rayon Məhkəməsi Dövlət Təhlükəsizliyi Xidmətinin (DTX) vəsatəti əsasında yeni qərar qəbul edib. Məhkəmə iri həcmli iş üzrə istintaq hərəkətlərinin hərtərəfli və maneəsiz aparılmasını təmin etmək məqsədilə Adnan Əhmədzadənin həbs müddətinin uzadılmasına qərar verib. Qeyd edək ki, dünyaca məşhur

18:45, 13 yanvar Kriminal

Bu xanıma yüksək vəzifə verildi

Azərbaycan Respublikası Kino Agentliyinin Kino mədəniyyətinin təbliği şöbəsinə yeni müdir təyin edilib. "Bakuinfo" xəbər verir ki, bu vəzifəyə Səbinə Bağırova təyin olunub. Səbinə Bağırova faktı APA-ya təsdiqləyib. Qeyd edək ki, bundan əvvəl sözügedən vəzifəni Turan Məmmədli icra edib.

18:02, 13 yanvar Sosial

Hava kəskin soyuyur: Bu tarixdə Bakıya QAR YAĞACAQ

Sabah Azərbaycanda hava necə olacaq? Yanvarın 14-də gözlənilən hava proqnozu açıqlanıb. Bu barədə "Bakuinfo"ya Milli Hidrometeorologiya Xidmətindən məlumat verilib. Bakıda və Abşeron yarımadasında hava necə olacaq? Bildirilib ki, Bakıda və Abşeron yarımadasında hava şəraitinin arabir yağıntılı olacağı gözlənilir. Bəzi yerlərdə intensivləşəcəyi, ayrı-ayrı yerlərdə yağışın sulu qarla qarışıq yağacağı ehtimalı var. Güclü şimal-qərb küləyi əsəcək. Havanın temperaturu gecə və gündüz 1-4°

13:52, 13 yanvar Sosial

İrana hücum hazırlıqları başladı

ABŞ İrana hücuma hazırlıqlara başlayıb. "Bakuinfo" xəbər verir ki, bu barədə "Əl-Cəzirə" anonim amerikalı mənbəyə istinadən məlumat yayıb. Mənbə bildirib ki, İrana qarşı güc tətbiq etmək planları inkişaf mərhələsindədir və bu ssenarilər situasiyadan asılı olaraq hazırlanır. Onun sözlərinə görə, Yaxın Şərqdəki Amerika hərbi kontingenti istənilən ssenariyə və öz maraqlarını müdafiə etməyə hazırdır.

10:34, 13 yanvar Dünya

Ermənistan işğalla hədələndi

23:00, 12 yanvar Dünya

“Bir gün də yubanma olmamalıdır” - Prezident İlham Əliyev tapşırıq verdi

“Proqram çox genişdir, çox konkretdir. Bütün vəzifələr orada qoyulub, nəzarət də təmin ediləcək, həm Hökumət tərəfindən, həm də Prezident Administrasiyası tərəfindən”. “Bakuinfo” xəbər verir ki, bunu Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair 2026-2035-ci illər üzrə Dövlət Proqramına həsr olunan bugünkü müşavirədə Prezident İlham Əliyev bildirib. Ölkə başçısı çıxışında Proqramın icrasına ictimai nəzarətin mütləq olmalı

22:07, 12 yanvar Sosial

Binalarda "Komendant pulu" ləğv olunur

Azərbaycanda daşınmaz əmlak sektorunun ən həssas yerlərindən biri - binaların idarə olunması və kommunal xidmət haqlarının yığılması məsələsi yenidən gündəmə gəlib. Onilliklərdir davam edən tikinti bumu paytaxtın simasını dəyişsə də, həm "köhnə", həm də "yeni" binaların idarəetmə modelində ciddi xaos hökm sürür. Sovet dövründə inşa edilmiş binalarda vəziyyət ziddiyyətlidir. Rəsmi olaraq 2009-cu ildən Mənzil Kommunal İstismar Sahələri (JEK) ləğv edilsə də, faktiki olaraq bu

20:53, 12 yanvar Sosial

Fuad Qəhrəmanlı DTX-yə çağırıldı - “Boz kardinal”ın işinə görə

Hazırda həbsdə olan AXCP sədri Əli Kərimlinin müavini Fuad Qəhrəmanlı da xüsusilə ağır cinayətlərdə ittiham olunan Ramiz Mehdiyevin cinayət işi ilə bağlı ifadə verməyə çağırılıb. “Bakuinfo" xəbər verir ki, F.Qəhrəmanlı bu barədə özü məlumat yayıb. “Dövlət Təhlükəsizliyi Xidmətinin (DTX) İstintaq İdarəsindən zəng edib Ramiz Mehdiyevin işi ilə bağlı ifadə verməyə dəvət etdilər. Bildirdim ki, hazırda ölkədə yoxam və sualları telefonla cavablandırmağa hazıram”. Qeyd edək ki, Prezident

19:54, 12 yanvar Kriminal

Prezidentdən Məcnun Məmmədovla bağlı SƏRƏNCAM

Azərbaycan və Latviya arasında iqtisadi, elmi-texniki və mədəni əməkdaşlıq üzrə Hökumətlərarası Komissiyanın Azərbaycan Respublikası tərəfindən yeni tərkibi təsdiq edilib. “Bakuinfo” xəbər verir ki, bununla bağlı Azərbaycan Prezidenti İlham Əliyev Sərəncam imzalayıb. Sərəncama əsasən, Azərbaycan-Latviya Hökumətlərarası Komissiyasının Azərbaycan tərəfindən həmsədri kənd təsərrüfatı naziri Məcnun Məmmədov təyin edilib. Xarici İşlər Nazirliyi bu Sərəncamın 1-ci hissəsi ilə edilən dəyişiklik barədə

17:11, 12 yanvar Ölkə

Prezidentdən su ilə bağlı şad xəbər

16:12, 12 yanvar Sosial

Daha 10 xəbər